Guacka

GUACKA - ish Gaçka

» Fshati Guackë gjindet ne Komunën e Ferizajt. Deri ne vitin 1957 ishte Komunë në vete. Me reformat e atëhershme, së bashku me Shtimen dhe Shtërpcën iu hoq ky status.

Sot Guacka është në kërkim të identitetit të saj, në kërkim të asaj që ja kthenë sërish krenarinë që e kishte dikur. Krenari kjo që u nëpërkëmbë nga neglizhenca e një udhëheqje e cila jo vetëm që nuk ishte në gjendje që të ja kthej statusin e mëparshëm, por e lanë fshatin nën mëshiren e kohës. Shpresojmë tani në ndryshime, në ndryshime pozitive, për të mirën e qytetarëve që jetojnë e veprojnë në këtë anë!!! »

Anonime

• Akivitetet »

Guacka në Facebook - Klikoni

Për shumë mot Gëzuar!!!

Të gjithë Guackaseve dhe Guackasëve si dhe të gjithë atyre që kanë ç´fardo lidhje me fshatin Guackë, Gëzuar nga zemra Festat e fundvitit.

Për shumë mot Gëzuar!!!

Gjurmëve të artikullit - Kur varfëria troket në derë…

Naim Ibishi me familje, shoqëria e gjerë dhe dashamirët – Donatorë kryesor

GUACKAPRESS, e Enjte, 21. Tetor 2010

Naim Ibishi nismëtar, njëri ndër donatorët kryesor dhe koordinator i punimeve, në mes të Familjes Istrefi

Menjëherë pas publikimit te Artikullit "Kur varfëria toket në derë..." në www.guacka.eu dhe Guacka në fb, Naimi Ibishi ishte i pari që u lajmërua dhe mori hapat e parë në grumbullimin e ndihmave në Schaffhausen e rrethinë. Kështu që edhe u caktua Koordinator kryesor i këtij Aksioni.

Ai filloi nga vetvetja dhe familja, shoqëria e gjerë dhe dashamirët e shumtë që ka dhe nuk kurseu asgjë. Nuk kurseu as kohën e lirë duke biseduar me shoqërinë dhe dashamirët se si ti dilet në ndihme kësaj familje. Falë njerëzve të mirë, ndihmave që dhanë dhe sakrificës së Naimit, Aksioni po zhvillohet me sukses.

Në këtë mënyrë Naim Ibishi me Familje, shoqëria e tij e gjerë si dhe dashamirët e shumtë u bënë Donatorë kryesor të këtij Aksioni.

Naimi në gjysmën e parë të muajit tetor mori edhe një javë pa pagesë në firmën e tij, shkoi në Kosovë dhe startoi me ndërtimin e shtëpisë për këtë familje të varfër...

Fotografitë nga punimet mund ti shihni në Facebook - < Klikoni

(BiO)

Gjurmëve të artikullit - Kur varfëria troket në derë…

GUACKAPRESS, e Hëne, 6. Shtator 2010

Filloi ndërtimi i shtëpisë së re

GUACKAPRESS, e Mërkure, 13. Tetor 2010

Falenderojmë të gjithë donatorët që kontribuan dhe do të kontribojnë në këtë drejtim.

Së shpejti edhe fotografit e para nga punimet!!!

(BiO)

Promovim libri

Qëndresa Halili

“Jeta e një femre”

Qëndresa Halili

GUACKAPRESS, e Premte, 01. Tetor 2010

Me datën 04.10.2010 do të mbahet promovimi i librit të tretë të Qëndresa Halilit

"Jeta e një femre"

Promovimi bëhet në Teatrin "Adriana Abdullahu" të Ferizajt duke filluar nga ora 13:00 të.

Ardhja juaj na nderon!

Na ndiqni në Facebook: http://www.facebook.com/pages/GUACKA/112945712080413?ref=ts#!/event.php?eid=164907583524273&ref=mf

Kur varfëria troket në derë…

GUACKAPRESS, e Hëne, 6. Shtator 2010

Kur varfëria troket në derë…

Vështirë ishte që pas vdekjes së burrit të mbijetohet me fëmijë të mitur. E më vështirë është kur ke fëmijë të sëmurë dhe vet nuk ja del dot. Kështu më pat rrëfyer zonja Istrefi para ca vitesh. Tani ajo edhe vetë është e sëmurë. E sëmurë nga zemra. Athua pse dhe si erdhi deri te kjo sëmundje???.

Ne ditën kur sivjet e vizitova Familjen Istrefi zonja e shtëpisë nuk mundi të dalë fare te dera e shtëpisë. Vajza Shemsija (e sëmurë mentale) u gëzua shumë kur vërejti se dikush po troket në derën e tyre. Me vrap e thirri vëllain e saj Florimin. „Dil se po vjen nje njeri, shpejtë more se një njeri, shpejtë, shpejtë...“. Ajo nuk ishte mësuar që ti vizitoj kush!!!.

Florimi, djali i dytë i Familjes me bujari më ftoi që të hyjmë brenda. Unë insistova që të qëndrojmë në oborr. Shtëpia mezi që e përballon rrënimin, nëna është e sëmurë dhe nuk mund të del dot në oborr, motrën po e shef edhe vet. Ajo ka “probleme” të tjera. Nënën më duhet që për çdo muaj ta dërgoj në kontroll te internisti. Shumë herë nuk kemi mundësi që ta paguajmë. Ç´ti bësh, kështu e ka jeta. Herë me bukë e herë pa bukë, herë me Lek e herë pa Lek, bëjmë përpjekje që të mbijetojmë. Vëllai i madh Gëzimi përpiqet që të na siguroj diçka. Ai si punëtorë krahu punon kohë pas kohe te “Bageri”

Babai, ndjesë pastë ishte punëtorë i vyer por na la të vegjël, vdiq i ri. Tani edhe nëna u sëmurë. Motra nuk i përballoj kursesi kësaj varfërie. Ajo tani siç e shef sillet andej këndej dhe nuk qetësohet fare. Nuk i përballoj varfërisë si ne meshkujt. Ndoshta edhe nëna u sëmurë prej kësaj s´kamje që kemi, nuk e di, ndoshta?.

Shiko dyert e Oborrit, ato qëndrojnë dhe tregojnë vjetërsinë e tyre. Ne gjithashtu shpresojmë dhe qëndrojmë, shpresojmë në ndihmën e zotit dhe të bamirësve që së paku ta ndërtojmë një kulm mbi kokë. Ndoshta gjendet një rrugëdalje edhe për ne?. Zoti është i madh, bamirës me siguri se ka ende. Shtëpia është afër rrënimit, dyert qëndrojnë ende. Ne me të vërtet jemi të varfër. Varfëria mundet me bamirësi. Ne do u jemi të gjithëve mirënjohës për ç´do ndihmë që na ofrohet, përfundoi Florimi.

Kësaj familje me të vërtetë i duhet ndihma. Ndihmë që në bazë të mundësive ta ndërtojnë një shtëpi të re. Të largohen nga kjo shtëpi e vjetër ( Shiko fotot ) para se nuk është rrënuar fare. Shtëpia nuk afron as kushtet minimale për jetesë. Ndihmë që do ju mundësoj Familjes Istrefi një jetë më „normale“ se tani. Zonjës Istrefi, Shemsijes, Florimit dhe Gëzimit do ja kthej edhe njëherë gëzimin dhe harenë që deri tash nuk e patën.

Foto dhe teksti: B. Osmani

www.guacka.eu

Ngjitja në majen e Lypetenit

Ngjitja në majen e Lypetenit me datën 04.01.2010 nga Grupi Alpinist "Rogana"në përbërje Zijadin Kryeziu, Shehat Rrudhani, Burim Kryeziu, Petrit Kallaba, Syle Kallaba. Klikoni më lartë dhe do të shiqoni videon në "Fullscreen"

FALENDERIM

Për gjithë ata që kontribuan në realizimin e Mbrëmjes kushtuar dëshmorit Imri Halili!

Ju falemnderit!

Nga Stafi i http://www.guacka.eu

Mbrëmje e paharruar në Guackë

Postuar me datën: 03.10.2009 (GuackaPress)

Pas një angazhimi të pandërprerë Grupit NEW STYLE, Këshillit Organizativ dhe të stafit të www.guacka.eu siç ju paralajmëruam u mbajt Mbrëmja kushtuar Heroit të Kombit, të pa harruarit Imri Halili. Koncerti u mbajt në oborrin e shkollës, shkollë kjo që me nder mban emrin e këtij dëshmori. Mënyra e organizimit nën qiellin e hapur, ishte një prej karakteristikave të kësaj mbrëmje. Te pranishmit, afër 1000 sish, ishin te entuziazmuar dhe me ovacione priten çdo këngë nga Këngëtarët e estradës.

"New Style"

Në fillim u lexuan fjalët përshëndetëse dhe telegrame urime për ketë mbrëmje. U pritë me ovacione duartrokitje të gjata fjala përshëndetëse e ardhur nga bashkatdhetari ynë nga Gjermania, z. B.Osmani.

Të pranishëm ishin edhe Familja e dëshmorit, përfaqësuese të Kuvendit të Komunës, përfaqësues të Veteraneve të luftës, Autoparkut te qytetit, Policisë së Kosovës etj.

Vjollca Selimi Xhavit Avdyli Fadil Keca

Me këngë u paraqiten New Style, Milaim Mezini, Osman Shehu, Xhavit Avdyli, Vjollca Selimi, Xili, Fadil Keca, Vjollca Osmani, Flori, Ramadan Selimi, Liridona Jaha, e Art DJ.

Të gjithë Artistët e paraqitur në skenë ishin të mirë pritur nga publiku. Vlen të theksohet se Kënga kushtuar dëshmorit ishte ajo që u pritë me padurim nga të pranishmit. NEW STYLE ishin në nivel të detyrës dhe më të emocionuar se kurdoherë kënduan para publikut të Guackës së tyre të dashur.

"New Style" Milaim Mezini Flori

Këshilli organizativ pa të udhës që ti nderoj me mirënjohje të gjithë firmat që kontribuuan si për realizimin e videopreojketit gjithashtu edhe në organizimin e mbrëmjes së sotme.

Me mirënjohje te veçantë u nderuan: Kuvendi i Komunës Ferizaj, përkatësisht Departamenti për Kulturë rini dhe sport me në krye z. Naim Feratin, Shoqata e Veteranëve të luftës - Dega Ferizaj, Policia e Kosovës - Komanda në Ferizaj, Autoparku i qytetit si dhe z. Fahri Halili, z. Bajram Osmani e z. Agim Halili.

Mbrëmja përfundoi me Videoprojektin e këngës „Mjeku i Kohës” që i pritë shumë

mirë nga publiku.

Morëm premtimet nga Këshilli organizativ se përkundër pengesave objektive do të shikohet që ky manifestim të jetë tradicional. Do të shqyrtohen edhe mënyra tjera të organizimit, në mënyrë që të jem sa më të afërt me publikun si dhe mos të harrohen kurrsesi ata që dhanë edhe jetën për ketë liri që ne sot po e gëzojmë.

Falenderim

Postuar me datën: 01.10.2009 (GuackaPress)

Në emër të Familjes së Imri Halilit, Këshillit organizativ, Grupit „New Style“ dhe në emër të të gjithë Guackasëve, Falenderojmë z. Bajram Osmani për ndihmën dhe kontributin e dhënë rreth organizimit të Mbrëmjes kushtuar Dëshmorit të Kombit z. Imri Halilit. Shpresojmë se si ty do të kemi edhe të tjerë, në mënyrë që herëve tjera ky Manifestim të jetë edhe më mirë i Organizuar.

Të falënderojmë edhe për ndihmën e madhe qe keni thënë edhe në prezantimin Medial të këtij manifestimi si në www.guacka.eu ashtu edhe nëpër Forumet tjera që janë prezentë në Komunën tonë e me gjerë. Mendojmë dhe shpresojmë se edhe në të ardhmen do të jesh krahë i fortë i yni, ngase njerëz si ty i nevojiten jo vetëm Guackës por edhe vendit në përgjithësi. Kosova ka nevojë për njerëz të urtë dhe të zellshëm.

Jemi krenarë që të kemi!!!

Me respekt,

Këshilli Organizativ i manifestimit në fjalë

Guackë, 01.10.2009

Mbrëmje madhështore për nder të dëshmorit të Kombit – IMRI HALILI

Postuar me datën: 27.09.2009 (GuackaPress)

Pas punës së palodhshme të Timo dhe Zaim Sejdiut, të njohur tanimë si Grupi “New Style”, stafit të www.guacka.eu si dhe donatorëve, me datën 02.10.2009 duke filluar nga ora 19.00 të, do të bëhet promovimi i këngës dhe Videopreojektit te këngës „Mjeku i Kohës” këngë kjo kushtuar dëshmorit të kombit Imri Halili. Këtë projekt e ndihmuan Kuvendi Komunal i Ferizajt; Shoqata e Veteranëve të Luftës; Autoparku i Qytetit si dhe z. Bajram Osmani.
Koncerti do të mbahet në Ambient të hapur pikërisht në Fsh. Guackë, në vendlindjen e dëshmorit, ku do të marrin pjesë edhe emra të njohur të estradës sonë si:

Milaim Mezini,

Xili,

Fadil Keca,

Vjollca Selimi dhe shumë e shumë të tjerë.

Në këtë mbrëmje do të promovohet edhe vodeoprojekti i këngës. Ju e dini se këtë Videoprojekt e ndihmuan bizneset e rrethit tonë si „BAGERI Company”, “BINAKU Trans”, “BEHARI Trans”, Studio grafike “GONI”, Market “GIMI”, “HASHANI Petrol”, “SHARRI”, “ARTI Market”, “ARDI Parket”, Market “BESARTI” “SHTILL”, Internistika, Gjellëtore “ARDITI”, Mobilieria “ENDRITI”, Market “ENI”, Gjellëtore “BIFURKACIONI”, “ARTI Plast”, D.P.T “LABI”, Dr.Skender Shabani, Autokareseria “Gaçka”, Mobilieria “ERËZA”, “FITIMI Trans”, “ALTINI Trans”, Pharmacy “DAFINA”, Shitore “BLETA”, “RRITA”, “BITIA”, Elektroservisi “ELDA”, Vëllezërit HALILI, Caffe “VERONA”, Market “ALBANI”, Shitore “FITIMI” etj. Falënderojmë të gjitha ata që ndihmuan dhe që po ndihmojnë tani.

Vlen të theksohet se tërë projektin që nga fillimi e përkrahen z.Muhamet Halili, z.Arben Halili, z.Bahri Hasani si dhe Timo e Zaim Sejdiu me punën e tyre të palodhshme.

Pikët kryesore të kësaj Mbrëmje janë:

Hapja ora 19.00 të (Moderatorja)
Fjalët përshëndetëse ora 19:10 të
Fillimi i Koncerti me këngëtarët e ftuar 19:30 të

Kënga “Mjeku i Kohës” dhe grupi “NEW STYLE” ora 20:30 të
Videospoti i këngës “Mjeku i Kohës” ora 20.45 të.

Në bazë të asaj se në Mbrëmje kanë shprehur dëshirën te marrin pjese edhe këngëtarë tjerë të estradës, ka të ngjarë që mbrëmja të vazhdoi gjer diku kah mesnata!!!!.

Në këtë mbrëmje ftohen të marrin pjesë gjithë qytetarët e interesuar nga të gjitha anët pa dallim. Konfirmojeni ardhjen tuaj!

Ardhja e juaj do ta nderon dëshmorin e kombit si dhe të gjithë ne Guackasëve.

Me nderime Grupi “New Style” dhe e juaja www.guacka.eu

Klikoni për videospotin e këngës > Mjeku i kohës

Bëhet promovimi i këngës dhe videospotit të këngës “Mjeku i Kohës”kushtuar Dëshmorit

të Kombit Imri Halili

Postuar me datën: 17.07.2009 (GuackaPress)

Me datën 22.07.2009 në ora 09:00 në kuadër të programit të mëngjesit në TV "LIRIA" do të bëhet promovimi i këngës “Mjeku i Kohës” këngë kjo kushtuar Dëshmorit të Kombit IMRI HALILI. Mysafirë të programit do të jenë Timo dhe Zaim Sejdiu ku do të paraqesin përherë te parë videoprojektin e kësaj kënge. Këngën e këndojnë Timo dhe Zaim Sejdiu. Testin e kësaj kënge e ka bërë Milaim Mejzini dhe Beat-B-Flow, muzikën e zgjodhi “Studio Records”

Ketë Videoprojekt e ndihmuan bizneset e fshatit Guackë si „BAGERI Company”, “BINAKU Trans”, “BEHARI Trans” logot e të cilëve do të shihen edhe në Videospot. Përveç këtyre firmave ndihmuan edhe:Studio grafike “GONI”, Market “GIMI”, “HASHANI Petrol”, “SHARRI”, “ARTI Market”, “ARDI Parket”, Market “BESARTI” “SHTILL”, Internistika, Gjellëtore “ARDITI”, Mobilieria “ENDRITI”, Market “ENI”, Gjellëtore “BIFURKACIONI”, “ARTI Plast”, D.P.T “LABI”, Dr.Skender Shabani, Autokareseria “Gaçka”, Mobilieria “ERËZA”, “FITIMI Trans”, “ALTINI Trans”, Pharmacy “DAFINA”, Shitore “BLETA”, “RRITA”, “BITIA”, Elektroservisi “ELDA”, Vëllezërit HALILI, Caffe “VERONA”, Market “ALBANI”, Shitore “FITIMI” etj.

Falënderojmë gjithë ata që kontribuuan në realizimin e Projektit.

Për nder të dëshmorit Imri Halili do të bëhet edhe promovimi i kësaj kënge enkas në fsh. Guackë. Promovimi do të bëhet në ambient të hapur ku do të paraqiten me këngë edhe këngëtarë të tjerë. Gjithë kjo do të realizohet me ndihmën e Kuvendit Komunal te Ferizajt si dhe me ndihmën e bashkëatdhetarëve tanë. Në fund do të paraqitet përmes videoprojektorit edhe videospoti i këngës “Mjeku i Kohës”. Vend do të ketë për të gjithë qytetarët pa dallim, andaj ftohen qysh tani të gjithë të interesuarit që ta konfirmojnë ardhjen. Ardhja e juaj do ta nderon dëshmorin e kombit si dhe të gjithë ne Guackasëve.

Data e saktë e promovimin në Guackë do të caktohet me vonë.

Me nderime e juaja www.guacka.eu

Iniciohet projekti për spotin e këngës kushtuar dëshmorit të kombit IMRI HALILI

Postuar me datën: 26.06.2009 (GuackaPress)

Te nderuar Guackas që jetoni në mërgim, pranoni përshëndetjet tona nga Kosova pikërisht nga Guacka, me shpresë që të realizohet ky projekt që padyshim e diskutim do ta keni edhe përkrahjen tonë e sidomos me një siguri për 100 % të gjeneratës 88/89.
Me disa të rinjë Guackas kemi marr një iniciativë rreth një projekti kushtuar dëshmorit të Kombit Imri Halili rreth një video-spoti të një kënge për këtë dëshmor të Kombit. Testin e këngës është duke e bërë këngëtari shumë i mirënjohur Milaim Mezini. Spoti po kushton 1200 euro.

Ne, Timo dhe Zaim Sejdiu kemi marr ketë iniciativë që në fillim kemi mbajt një mbledhje dhe kemi kërkuar ndihmë nga disa Guackas si Muhamet Halili, Bahri Hasani, Arben Halili, Halil Hasani, dhe disa te tjerë.
Vendimi për grumbullim e këtyre parave u morr ne ketë mbledhje që të epen nga biznesmenët e fshatit te cilët kanë firma shitore etj. Caktuam mbledhjen për bisedë me ta për ditën e diel në ora 20.00 të. Për fat të keq ftesës nuk ju përgjigjen gati 80 %. Ne u detyruam qe përsëri te dalim dhe të kërkojmë nëpër lokalet e tyre ose nëpër shtëpitë e fshatit.
Ky projekt duhet të realizohet se kaluan 10 vite pas lufte dhe jemi i vetmi fshat që nuk ka bërë një projekt te tillë për dëshmorin e fshatit, me emrin e të cilit krenohemi ne sot. Ne të rinjtë Guackas kërkojmë nga ju qe veproni atje te na ndihmoni individualisht apo dhe në emër të shoqatave që ju përfaqësoni si Guackas në Diasporë. Çfarëdo vlere të jetë neve do të na ndihmon shumë pasi qe nuk e kemi menduar qe nuk do të jen në gjendje të na ndihmojnë Guackasësit ne Kosovë qe veprojnë me firma te mëdha këtu. E vetmja firmë që ju përgjigj këtij projekti me ndihmë të drejtpërdrejt me para ishte Behari Trans me pronar Qamil Hasani i cili dhuroi 100 euro. Disa firma te tjera vetëm na premtuan.
Ky nuk është një detyrim por një punë vullnetare e jona dhe e juaja, andaj ju ftojmë ne bashkëpunim. Çfarëdo ndihme qoftë nga ana e juaj, nga ne gjithmonë do ta keni përkrahjen pasi që ju jeni tanët Guackas.
Neve na duhet një përgjigje para datës 14.07.2009 për arsye marrje vendimi.

Me respekt shumë të madh Timo & Zaim Sejdiu

Akademi përkujtimore për të madhin Lutfi Sejdiu

Postuar me datën: 26.03.2009 (GuackaPress)

Sot (me 26.03.2009 ) u bë një vit që u nda anga jeta z.Lutfi Sejdiu veprimtar i palodhshëm i Gauckës. Me vdekjen e Lutfiut Guacka humbi njeriun i cili dha kontributin më të madhë rreth organizimit të jetës kulturore në fshatin tonë e më gjerë. Guackasit sot me ndihmën e Këshillit oganizativ 5 anëtarësh, organizojnë në Shtëpinë e Kulturës "Hivzi Sylejmani" në Ferizaj Akademinë përkujtimore, ku do të flitet për jetën dhe veprën e Lutfiut. Aty do të shpalosen shumë gjëra nga veprimtaria e SHKA “Besa” ku z. Lutfi Sejdiu shumë vite me radhë dha kontributin e tij të çmuar. Ekskluzivisht do të dëgjohen dy këngë, dy poezi si dhe shumë fotografi të SHKA “Besa”, që do të dalin në eter përmes videoprojektorit.

Do të lexohen edhe telegramet e ardhura nga bashkëatdhetarët tanë në Mërgatë, si dhe nga bashkëpunëtorët e shumtë të z. L. Sejdiu.

Akademia perkujtimore fillon në ora 15.00 të.

I pa harruar qoftë kujtimi për të!

Për Këshillin Organizativ

Zaim Sejdiu

Iniciativa Guacka në Forumi Ferizaj

Të nderuar vizitorë të faqes www.guacka.eu , në lidhje me emrin Guacka të vendbanimit tonë, në Forumi Ferizaj, kemi hap një Forum ekstra për këtë qështje. Nëse doni ti jepni komentet tuaja, klikoni nën: Iniciativa Guacka( Temë me shumë faqe 12), dhe do të hyni drejtëpërdrejtë në Forum, ku do ti shihni edhe të gjitha reagimet e deritanishme.

Ju falenderojmë për mirëkuptim

Stafi i www.guacka.eu

Në fshatin Guackë u mbajt debat me udhëheqjen Komunale

18.12.2008

Edhe një muaj behtë një vit nga ardhja ime në krye të Ferizajt, nuk mund të them që gjithçka ka qen prefekt por besoj që shumë gjëra kanë ndryshuar për të mirë theksoi Bajrush Xhemaili, në debatin me qytetar në fshatin Guackë, unë gjithë herë e kam than dhe më gëzon fakti se është një skenë e relaksume politike, është një ambient ku mund të debatohet për gjitha problemet që ka komuna, jem mundur që të bëj një komunikimin edhe me qytetar për aq sa kem pas mundësi un dhe stafi im që përfaqësoj

Jemi mundu që të i kryejmë ata punë që i kem dhe për ketë vit kanë qen diku 60 projekte të cilat janë krye dhe janë në procesin përfundimtar, jemi mundu që të managjojmë mirë buxhetin me një menagjim kualitativ, gjithashtu jemi mundura që për të mirën e qytetarëve të lirojmë hapësira publike dhe në vend të tyre të realizojmë projekte që janë në të mirë të qytetarëve në rend të parë të hapësirave të gjelbëruara dhe natyrisht që të frymoj qyteti më shlirë, mirëpo rast të veçante i kemi kushtuar infrastrukturës tha kryetari i komunës z. Xhemaili.

Arben Halili nga lagja e Bajram Currit bëri shumë vërejtje për infrastrukturën që ka mbet në këtë lagje e cila është e shkëputur nga fshati Guackë, ai përmendi se vetëm 500 euro kanë hyr nga qeveria e kaluar në këtë lagje dhe deri më tani nuk është investua fare. Edhe Muhamet Sejdiu kishte vërejtje rreth mos investimeve në ketë fshat e sidomos në theks të veqant për rrugën e cila po thuajse është bërë e pa kalueshme, Kanalizimin, ujësjellësin, telefonin, por ne kemi një shpresë të mirë se më në fund edhe te ne do të ketë investime theksoi Sejdiu. Kishte edhe diskutues të tjerë që kryesisht kishin të bënin në përgjithësi me infrastrukturën.

Kryetari i Komunës z. Xhemaili në fund të debatit i premtoi qytetarët e Guackës se do ti merr seriozisht kërkesat e tyre, por kërkoj nga ju që të organizoheni më mirë dhe të participoni në projektet të cilat po i kërkoni ju tha z. Xhemaili

Në këtë debat përpos Kryetarit pjesëmarrës ishin e Shefat e grupeve Parlamentare si dhe kryesuesi i Kuvendit Komunal z. Agim Aliu.

Burimi: www.ferizaj-komuna.org

• Bëhen përgatitje për Projektin e asfaltimit të rrugës "Te qeshmja - Shkolla e vjetër"